Des friarende Weißkäppchen

2017-01-24-photo-00000052
Des friarende Weißkäppchen 

Des friarende Weißkäppchen

A original Birnbacha-Münchna Märchen

Es woa rechd fria noch seina Nachdschichd. As Weißkäppchen is aus da Aabad außa kema und hod stante pede zum Frian ogfongd. Wias so a Stiggal ganga is, foid eam ei, dass einglich ned so weid vo da woama Backstubm endfeand woa. Oiso is higanga. Do drin woas glei ungefähr fümfasiebazg Grod weama. Oiso hods eastamoi a Brezn kaffd. Wias wieda draußdn woa, hods ned glei wieda so gfroan, weis ja de woame Brezn in da Hand goidn hod. De woa so schee woam. Do hods voa lauda Weama glei an den Omd zvoa denga miassn. Wei do woas nämlich mit seim Kolleng im Il castagno an da Haggabruggn. Und wias so an sein Kolleng dengt, weads ira glei no weama. Und auf oamoi woas aa scho dahoam. Mei is des schnei ganga! Beinah waas no an seim Zhaus voabei ganga! Aba dann hods ses no dagneisd. Und wenns ned dafroan is, dann ligds heid no lang in seim woama Bed und schlofd recht diaf und fest und dramd wos Scheens.

Please follow and like us:
error

Kommentar verfassen

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.